காக்கை நேசம்

சோறைப் பங்கிடும் போது
பொங்கிடும் நேசம்,
பீரைப் பங்கிடும் போது
குறைகிறதே நேசம்!?

சிகரெட்டைப் பங்கிடும் போது
பரவிடும் நேசம்,
நான் பார்க்கும் பெண்ணையே, அவனும் பார்க்கும் போது
குறைகிறதே நேசம்!?

கையிலிருக்கும் காசெல்லாம் கொடுத்து பஸ்ஸேத்திவிடும் போது
கலங்கிடும் நேசம்,
கொடுத்த காசைக் கேட்கும்போது
கலங்கிடுதே நேசம்!?

சாதனை புரிந்தான் என் நண்பன் என
மார்தட்டும் நேசம்,
சீரழிந்த பழைய நண்பனைக் கண்டதும்
ஒளிந்திடுதே நேசம்!?

காக்கையும், குருவியும் என் ஜாதி
என்றிடும் நேசம்,
தன் ஜாதிப் பெண்ணைக் காதலித்தால்
அரிவாள் எடுக்கிறதே நேசம்!?

பச்சை வரிகள் மட்டுமே நான்,
என்றிடுமே என் நேசம்.,
சிவப்பு வரிகள் என் நண்பர்களாக் கூடாது
என்றிடுமே என் நேசம்!!!

என் இதயத்தில் நிறைந்திருக்கும் நண்பர்கள் அனைவருக்கும்,

நண்பர்கள் தின வாழ்த்துகள்!!!